روٹی گل وچ پھا پاندی اے
روٹی نُکرے چا لاندی اے
بندے روٹی کی کھانی اے
،،روٹی بندہ کھا جاندی اے،،
روٹی ہے دلدار تُوں اگے
روٹی دا دُکھ پیار تُوں اگے
اگ شِکم دی رشتے ساڑے
روٹی ہر اک یار تُوں اگے
جد وی سامنے آوے روٹی
اپنا ، غیر بناوے روٹی
شادیاں اندر وچ ولیمے
کی کی رنگ وکھاوے روٹی
روٹی یارو کھوٹ نُوںویچے
روٹی نقلی نوٹ نُوں ویچے
جد وی موسم ووٹ دا آوے
روٹی ہر اک ووٹ نُوں ویچے
تگڑے یا معزور دی روٹی
حاکم یا مجبُور دی روٹی
کدی وی پُوری ہوندی نئیں
عاجر نا مزدُور دی روٹی
